4. Ekarpena: KLASEKO PLANGINTZA

Klaseko plangintzaren antolaketari buruzko artikulu hau aurkitu dugu, artikuluan sartzeko klik egin izenburuan.       

    4.ARTIKULUAREN HAUSNARKETA

LABURPENA:

Gaur egun beharrezkoa da klasea emateko gidoi bat prestatuta izatea. Honek irakasgai bakoitzean emango dugun materia antolatu egingo du. Halaber, egun klaserako plangintza prestatu ala ez prestatu eztabaidatzen da. Horrela glasea emateko plangintza zati hauengatik dago osaturik:

1. Sarrera.
2. Klaserako helburuak horrelakoak izan beharko litezke:

-         Zehaztuak eta ondo definituak.

-         Umeek berehala hartzekoak, hau da, klaseko denboran emateko egokiak izan behar dira.

-         Ikasleek egin behar dituzten eskuraketekin erlazionatuta.

3. Klasean erabiltzeko baliabide auxiliarrak.
4. Klasean aplikatuko diren prozedura didaktikoak, adbz:

-         Aurretiko froga oinarrizko edukiak ikusteko.

-         Aurretiko motibatzea galderen bidez.

-         Gaiari buruzko ahozko azalpena arbelan eginiko grafikoekin eta beste baliabide batzuekin osatuz.

-         Gai bakoitza bukatzean galdeketa zehatz eta motzak.

-         Ikasleen zalantzak eta arazoak argitu,

-         Ikasleen lanen zuzenketa arbelan eginiko demostrazioen bidez.

-         Hurrengo klaserako egin behar dituzten ariketak bidali.

5. Ikasleen ariketak eta ekintzak ( talde lanak, klaseko eztabaidak, bakarka irakurtzea…)

HAUSNARKETA:

Gure aburuz klase batek ez du plangintza bat izan beharrik, hau da, batzuetan beharrezkoa da baina egunero plangintza berarekin klase ematen badugu umeak aspertzea oso arrunta izango litzateke. Zenbaitetan plangintza aldatzea ondo legoke, kontextuz eta gauzak egiteko erak aldatuz umeen gauza berrietan integratzeko gaitasuna lantzeak onurak ekarri ohi dituelako. Horregatik noizean behin gida zehatzetik ateratzea ez legoke batere gaizki egongo ( adbz: egunen baten galderak, gaia ematen den egun berean egin beharrean, etxean eduki horiek aztertzeko denbora utzi eta hurrengo egunean galdeketa burutu. Horrela zu euren gainean egon gabe eta euren kabuz edukiak barneratzeko daukaten gaitasuna ikertuko genuke. Gaiaz aldatuz, oso garrantzitsua iruditzen zaigu klasearen plangintzarako material osagarriak erabiltzea, hots, ez bakarrik liburua eta liburuko ariketak: jokoak, irteerak, ariketa fisikoa, eztabaidak, bideoak, irakasleak prestaturiko ekintzak edo fitxak ( margotzekoak, logikazkoak, edukiak lantzekoak)... Umeek ikastea aspergarria ez dela ulertu behar dute eta horretarako batzuetan plangintza alde batean utzi beharko genuke. Ikastea dibertigarria ere izan daiteke, beraz jolasean ere ikasi daiteke. Ondorioz ez dugu beti “txapa” bota eta galderak egin beharrik, hau da, orden berdina jarraitu ( galderak, “txapa”, galderak, zalantzak …), askatasun gehiagoko klaseak ere, egin daitezke, horrela umeek ere asko ikasiko dute.