Laburpena:
“Ni hezkidetzarik gabeko heziketaren alde nago. Arrazoi asko ditut baina garrantzitsuena da nire umeek psiko - biologiak markatzen dien erritmoan hezten direla. Neskak azkarrago heltzen dira fisiko eta intelektualki eta mutilek sensibilitate diferentea dute. Ulertzen dut nire umeak, neskak eta mutilak izanda pertsona moduan berdinak direla baina gauzak modu diferentean ulertzen dituztela. Hezkidetza unibertsitaterako aproposagoa dela uste dut lehen eta bigarren hezkuntzan edukietan zentratu beharko liraketelako. XXI. Menderako gizarte pertsonalizatu bat nahi da eta horretarako hoberena heziketa banatua izango litzateke ikasle bakoitzaren sexuarekiko bere ezaugarriak kontuan hartuz. Ezinbestekoa da ikasle bakoitzaren baliabide, puntu ahul eta fuerteak ezagutzea horrela bakoitzak behar duen laguntza izango du. Zenbait eskola publikoek ere mota honetako eskaintza izan beharko lukete, nahi duenak eskura dezan eta ez bakarrik ikastetxe pribatu bat ordaintzeko dirua duenak.
Hausnarketa:
Gure buruan ez dago ez ulerkuntza, ez tokirik hezkidetzarik gabeko heziketarako. Emakumeak eta gizonezkoak berdinak bagara, arlo guztietan ikusi beharko litzateke ezta? Argi dago zenbait diferentzia ditugula, bai fisikoki, bai psikologikoki ( gizonezkoak normalean indar fisiko gehiago dute eta neskek gauzak ulertzeko eta kudeatzeko gaitasun hobea adbz ) baina bi generoen arteko berdintasuna gure gizartean barne sustatu nahi badugu, ezin dira umeak txikiak direnetik ikasteko banandu, horrek euren buruan hezkidetzan nola bizi ulertzeko zailtasunak azalduko zituelako. Ume bati ezin zaizkio arau asko eta nahasiak azalduez duelako ezer ulertuko, hau da, ezin diozu etxean esan emakumeak eta gizonezkoak berdinak direnik umeak hauxe galdetuko baitizu: “ eta zergatik banantzen gaituzte ikastolan? Neskak alde batetik eta mutilak bestetik?” zer erantzungo genioke? Ez. Umeak argi izan behar du emakume eta gizonezkoak berdinak garela bizitzaren ia arlo guztietan, ezin diogu inolaz ere zalantzan jarri, beraz gizartearen arlo guztietan hezkidetza bultzatu egiten dela ikusi behar du (etxean, kalean, eskolan … umea inguratzen duen ingurune osoan ).
No hay comentarios:
Publicar un comentario